Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 55-1} miṉ oḷir avir aṟal iṭai pōḻum peyal ē pōl
• {KALI 55-2} poṉ akai takai vakir vakai neṟi vayaṅkiṭṭu
• {KALI 55-3} pōḻ iṭai iṭṭa kamaḻ naṟum pūm kōtai
• {KALI 55-4} iṉ nakai ilaṅku eyiṟṟu tē moḻi tuvar ce vāy
• {KALI 55-5} nal nutāl niṉakku oṉṟu kūṟuvām kēḷ iṉi
• {KALI 55-6} nil eṉa niṟuttāṉ niṟuttu ē vantu
• {KALI 55-7} nutal um mukaṉ um tōḷ um kaṇ um
• {KALI 55-8} iyal um col um nōkkupu niṉaii
• {KALI 55-9} ai tēyntaṉṟu piṟai um aṉṟu
• {KALI 55-10} mai tīrntaṉṟu mati um aṉṟu
• {KALI 55-11} vēy amaṉṟaṉṟu malai um aṉṟu
• {KALI 55-12} pū amaṉṟaṉṟu cuṉai um aṉṟu
• {KALI 55-13} mella iyalum mayil um aṉṟu
• {KALI 55-14} colla taḷarum kiḷi um aṉṟu
• {KALI 55-15} eṉa āṅku
• {KALI 55-16} aṉaiyaṉa pala pārāṭṭi paiyeṉa
• {KALI 55-17} valaivar pōla cōr pataṉ oṟṟi
• {KALI 55-18} pulaiyar pōla puṉkaṇ nōkki
• {KALI 55-19} toḻal um toḻutāṉ toṭal um toṭṭāṉ
• {KALI 55-20} kāḻ varai nillā kaṭum kaḷiṟu aṉṉōṉ
• {KALI 55-21} toḻūum toṭūum avaṉ taṉmai
• {KALI 55-22} ēḻai taṉmai ō illai tōḻi